*മാഹിയിലെ പ്രധാന സർക്കാർ വിദ്യാലയങ്ങളിലെ ക്ലാസുകൾ വെട്ടിച്ചുരുക്കിയും പുനക്രമീകരിച്ചത്തോടെ പ്രതിഷേധം ശക്തമാക്കും :ഡി.വൈ.എഫ്,ഐ*

  *മാഹിയിലെ പ്രധാന സർക്കാർ വിദ്യാലയങ്ങളിലെ ക്ലാസുകൾ വെട്ടിച്ചുരുക്കിയും പുനക്രമീകരിച്ചത്തോടെ പ്രതിഷേധം ശക്തമാക്കും :ഡി.വൈ.എഫ്,ഐ* മാഹി : മാഹ...

 

*മാഹിയിലെ പ്രധാന സർക്കാർ വിദ്യാലയങ്ങളിലെ ക്ലാസുകൾ വെട്ടിച്ചുരുക്കിയും പുനക്രമീകരിച്ചത്തോടെ പ്രതിഷേധം ശക്തമാക്കും :ഡി.വൈ.എഫ്,ഐ*

മാഹി : മാഹിയിലെ പ്രധാന സർക്കാർ വിദ്യാലയങ്ങളിലെ ക്ലാസുകൾ വെട്ടിച്ചുരുക്കിയും പുനക്രമീകരിച്ചും മാഹി MLA യുടെ അറിവോടെ മാഹി സിഇഒ ഇൻചാർജ്ജ്‌ നടപ്പിലാക്കിയ പരിഷ്കരണ നടപടികൾക്കെതിരെ പ്രതിഷേധം ഉയരേണ്ടതുണ്ട്‌. മാഹി സി ഇ ഭരതൻ ഗവ ഹയർ സെക്കൻഡറി സ്കൂൾ, ജവഹർലാൽ നെഹ്റു ഗവ ഹയർ സെക്കൻഡറി സ്കൂൾ എന്നിവിടങ്ങളിലെ ക്ലാസുകളാണ് നിലവിൽ അധികൃതർ മാറ്റം വരുത്തിയത്. മുൻപ് രണ്ട് വിദ്യാലയങ്ങളിലും ഒൻപതാം ക്ലാസ് മുതൽ പ്ലസ് ടു വരെ പ്രവർത്തിച്ചിരുന്ന സ്ഥാനത്ത്, നിലവിൽ സി ഇ ഭരതൻ സ്കൂളിനെ ഹൈസ്കൂൾ മാത്രമായും ജവഹർലാൽ നെഹ്റു സ്കൂളിനെ ഹയർ സെക്കൻഡറി മാത്രമായും പരിമിതപ്പെടുത്തിയിരിക്കുകയാണ്.

​കഴിഞ്ഞ അധ്യയന വർഷം ഒൻപതാം ക്ലാസ് പ്രവേശനത്തിനായി ജവഹർലാൽ നെഹ്റു സ്കൂളിലെത്തിയ രക്ഷിതാക്കളോട് സി ഇ ഭരതൻ സ്കൂളിലേക്ക് പോകാൻ അധികൃതർ നിർദ്ദേശിച്ചതോടെയാണ് Dyfi ഈ വിഷയത്തിൽ ഇടപെടുന്നത്‌. മാഹിയിൽ ഹ്യൂമാനിറ്റീസ് വിഷയം ഉണ്ടായിരുന്നത് സി ഇ ഭരതൻ സ്കൂളിൽ മാത്രം ആയിരുന്നു, ഇപ്പോൾ ഈ വിഷയം എടുത്തുമറ്റിയതോടെ മാഹിയിലെ വിദ്യാർത്ഥികൾ പ്രതിസന്ധിയിലാണ്. എന്നാൽ സ്കൂളുകളുടെ പ്രവർത്തനം ഇത്തരത്തിൽ ചുരുക്കാൻ ഔദ്യോഗിക ഉത്തരവുണ്ടോ എന്ന ചോദ്യത്തിന് കൃത്യമായ മറുപടി നൽകാൻ സ്കൂൾ അധികൃതർക്ക് കഴിഞ്ഞിട്ടില്ല. ​DYFI, പുതുച്ചേരി സർക്കാരിൽ നൽകിയ വിവരാവകാശ അപേക്ഷ പ്രകാരം ക്ലാസുകൾ ചുരുക്കിയ നടപടിക്ക് അംഗീകാരം ലഭിച്ചിട്ടുണ്ടെന്നാണ് ലഭിക്കുന്ന മറുപടി. എന്നാൽ ഈ ഉത്തരവിന്റെ പകർപ്പ് ആർക്കും ലഭ്യമായിട്ടില്ല. നിലവിൽ പുറത്തുവന്ന ഹയർ സെക്കൻഡറി സ്കൂളുകളുടെ ഔദ്യോഗിക പട്ടികയിൽ ജെ എൻ ജി എച്ച് എസ് എസ് മാഹി, വി എൻ പി ജി എച്ച്എസ്എസ് പള്ളൂർ, പിഎംശ്രീ ഐ കെ കുമാരൻ ജി എച്ച് എസ് എസ് എന്നിവ മാത്രമാണ് ഇടംപിടിച്ചിട്ടുള്ളത്. സി ഇ ഭരതൻ സ്കൂളിലെ ഹയർ സെക്കൻഡറി വിഭാഗം ഒഴിവാക്കിയതോടെ പട്ടികയിൽ നിന്നും ഈ സ്കൂൾ പുറത്തായി. വ്യക്തമായ മുന്നറിയിപ്പുകളോ ഔദ്യോഗിക ഉത്തരവുകളോ ഇല്ലാതെ ക്ലാസുകൾ വെട്ടിച്ചുരുക്കിയത് വിദ്യാർഥികളുടെയും രക്ഷിതാക്കളുടെയും ഇടയിൽ ആശങ്ക സൃഷ്ടിച്ചിട്ടുണ്ട്‌. ‌ പ്രശ്നത്തിന്‌ പരിഹാരം കാണാത്ത പക്ഷം ശക്തമായ പ്രതിഷേധങ്ങൾക്ക്‌ DYFI മാഹി - പള്ളൂർ കമ്മിറ്റികൾ നേതൃത്വം നൽകും.